جدي رماني في الشارع عشان كان مفكرني…1

بصت قدامها باسف شديد على الراجل اللي احتواها في بيته وعلمها لحد ما خلاها اكبر دكتوره جراحه على مستوى الوطن العربي وبعض الدول الاجنبيه عمرها ما هتنسى انه احتواها في بيته في وقت ما هي كانت فاقده الثقه والامان في كل الناس

قاطع شرودها لما اتكلم بنبره فيها بعض الزعل

:- لسه لحد دلوقتي مش قادره تنسي الماضي

بصيت له بتعجب هو عارف هي بتفكر في ايه دلوقتي لكن اتصدمت اكتر لما رد عليها

:- ما تفكريش كتير انا عرفت منين عشان انا حافظك اكثر من نفسك واللي كان في الماضي دي صفحه ومش اتقفلت اتحرقت حاولي ان انت تتعايشي في الحاضر

اتنهدت بتعب وهي بتحاول تنسى الماضي بكل جوارحه واللي مش فاكره منه غير ذكرى وحيده هي اللي مش بتروح عن مخيلتها ابدا ذكرى تعرض جدها والرجاله اللي معاه بالضرب ليها

عاصي حاسه في اللحظه دي ان هو لو سابها لمخيلتها هتتعب وهترجع لنفس النوبات اللي كانت بتجيلها في الماضي واللي لسه من قريب كانت متعالجه منها

:- انتباه يا دكتوره تعالي معايا عشان نشوف العمليه اللي مع دكتور عصام لانه بيقول ان هي مهمه جدا

:- تمام يلا بينا يا دكتور

وفعلا خرجوا وبداوا في مساعده الدكتور عصام في العمليه بتاعته والاستفاده من خبرته الكبيره

بقلم الكاتبة #هبة_أبو_الفتوح