يسمي عشق الجزء الاول
فقال فراس بضيق : سجي عمري مافكرت فيها كده هي زي أختي وأكتر من كده لا وبعدين حتي لو مش بعتبرها أختي مش بحب البنت المدلوقه عليا وده إزلي شيفه من سجي وغيرها وغيرها كتير مفيش غير نور اللي كانت شيفاني عادي حتي لو مكانتش شايفاني عادي بس كانت بتسيطر علي نفسها علي الاقل قُدامي هيه و..توقف ولم يكمل فابتسم علي قائلا بدلاً عنه : هي وألين مش كده ؟! حتي يمكن تكون ألين مختلفه عنها كل الاختلاف مش كده برضه ؟!
أومأ له فراس بشرود يفكر حتي قال محدثاً علي : إنت إيه إللي مخيك متأكد منها أوي كده وبتدافع عنها كمان ؟!
فقال علي بابتسامه : إنت مش فاكرها ومش هتفتكرها دي كانت معانا فـ ثانوي يعم..
تعجب فراس وقطب حاجبيه يحاول تذكرها لكنه لم يراها من قبل كيف تكون جميله ولم يلمحها من قبل غريب !!
فقال له علي عندما لاحظ ملامحه : متتعجبش أوي كده إنت مكنتش ملاحظها أصلاً كان كل اللي شغلك لمه البنات حواليك بس..
فقال فراس هو يحك مأخره رأسه : هي مكنتش من البنات دول ؟!
ضحك علي وهو يبتسم بحنان متذكرها كيف كانت : عمرها ما كانت زيهم !
تعجب فراس لهذه النبره التي مستحيل أن تخرج سوي من شخصٍ عاشق فنظر له بنصف عين وهو يلكزه بكتفه : ايه يـ عم انت هتتحول ؟!
فقال بابتسامه : لا أصلها كانت حبي الاول..
نظر له فراس بتعجب أنه لم يسمع منه هذا من قبل لكنه أخبره أن هناك من هي معجباً بها فألح عليه فراس كي يخبره أكثر عنها أكثر من مره وأنه يريد أن يراها لكن علي كان يغير الموضوع ولم يرها يوماً..
فقال فراس بعدم تصديق وهو يشعر بالخـ,ـيانه : هي دي إللي كنت بتكلمني عنها ومردتش تخليني أشوفها ؟!
أومأ له بهدوء وثواني قليله هب واقفاً يتأوه بسبب صف/عه فراس له علي مأخره رأسه بقوه وهو يتحدث ب\ : ومقولتليش ليه ومعرفتنيش عليها ليه ؟!
فقال علي بألم : إيدك تقيله يـا حيوان إنترأقولك إيه وأوريك إيه أنا كنت خايف لتحبك لما تشوفك أصلاً ! وبعدين انا شخصياً عمري ما إتكلمت معاها أعرفك عليها إزاي ؟!
فقال فراس بتعجب : يعني إنت مقولتلهاش إنك بتحبها !!
هز رأسه بنفي وهو يقول : ده كان في فتره المراهقه ولعب عيال وكده..ثم ابتسم واكمل : وخُوفت ترفضني عشان هيه مالهاش فـي الجو ده وبعدين هيه سافرت تدرس وأنا نسيت أصلاً ودلوقتي بحب واحده تانيه وأكتر حاجه كنت قلقان منها إنك تلاحظها وتخطفها مني
